Shpresa Fundo Gjergji: Veli i Shën Valentinit

Veli i  Shën Valentinit

Shën Valentini me pluhur yjesh gatuar galaksisë,

Të dashuruarve zemra sa s'u shkëputet,

Ditë kur dashuria i bie në gjunjë dashurisë,

Shenjtëri dhe bekim puthjesh!

14 Shkurt po vjen si frymë bekimesh,

Ngjyra që çel buzët e pëshpëritjen bluan,

Prej të dashuruarve përzjerë kimi puthjesh,

Ku verbërimi dritën hënës ja shuan...

Pse lotët janë kaq të përzjerë edhe sot

me kripën e detit në ngashërime rrjedhur?!

Sytë të qeshur ëmbël pa lotë s'rrikan dot...

Mos vallë velin e marrëzisë kanë hedhur?!

Edhe lejlekët nën pendët të përmallur

Në qiell të hapur përqafuar aty

Mos vallë marrëzia e shpirtrave përflakur,

me zjarr dashurie i dogji të dy?!

Gj. Sh.

Janar 2025