Ditë Dhjetori
Mëngjes!
Sytë më ngjajnë me shelgun,
Mëngjeseve era e detit mi flladit,
Qyteti im ajrin e art derdh mbi mua,
Hapi im prek token e bekuar përditë!
Jetoj!
Rezet e diellit më përshëndesin si ogur i mirë,
Ritmi me vjen i lakuar, vazhdoj eci...
Milingonat fillojnë punët që pa gdhirë,
Ngjyrat shkrihen në gri!
Qyteti im nuk e humb buzëqeshjen!
Nuk fle!
Nuk fle dot, një kokteil po pi,
Aty ka sy të përgjumur, i shoh të ngrysur.
Tymi i cigares shtëllungë fryme
Bari ka ndezur gëzimin e fundvitit,
Unë vazhdoj me shelgun ngjaj,
Vlorë, ditë dimri...
***
Peisazh mëngjesi
Ajri i qytetit tim,
bashkohet me valët e lundron ditët e lëngshme.
Dimri ja befi me pallton gri...
Menduar hyj tek dyqani i një bukëpjeksi.
Dehem prej aromës së bukës, më kujtohet gjyshja.
Aty fjalët lëshojnë lëng...
Ditë festash, ëmbëlsirat shfaqin ngjyra...
Nxitoj e qetë,
mëngjes,
më presin...
Me hënën flas...
Ajo e akullt akoma s'është zhytur në det,
Me hapa të ndryshëm,
të dyja ecim!
Aty shfaqet trageti që butas rrëshqet
...drejt molit,
ankorimi do të sjellë miqtë e fundvitit.
Në pritje...shiu po vjen, i druhem të ftohtit!
***
E putha dimrin
Sot e putha dimrin,
edhe pse se kam fort për zemër...
Ajri i dafinës endej kuzhinës,
çajniku flet me gurgullimë tek sobë e vjetër.
S'është çudi,
së shpejti do të trokasë edhe bora e parë
e unë do të përqafoj shallin tim të ri.
Kafen, vazhdoj e pi shpejt, sapo dalë
Aty,
në kafenenë pranë bregut të detit.
Si kalli misri e mbeshtjellë mirë e mirë...
për t'a sfiduar atë puthje!
Për t'i shprehur mirëseardhjen dimrin,
ponçë të ngrohtë pijmë!
Gj. Sh.
Dhjetor 2024
Comments