Shoqata „Ardhmëria“ festoi online 13 vjetorin e shpalljes së Pavarësisë së Kosovës






Prof Dr Fatmir Terziu


Shoqata „Ardhmëria“ në Mbretëri të Bashkuar, që drejtohet nga intelektuali Lutfi Vata, organizoi një lidhje festive online me rastin 13 vjetorit të Shpalljes së Pavarësisë së Kosovës. Kështu e shtuna e 13 shkurtit mblodhi në ekranet e kompjuterëve dhe laptopëve në një lidhje online më shumë se 100 pjesëmarrës të ftuar dhe të angazhuar në Shoqatën „Ardhmëria“ në Londër dhe mjaft të tjerë aktivistë të shkollave shqipe nga vende të ndryshme të Botës. Ishte kjo lidhje online që tregoi tre gjëra të mrekullueshme, të cilat mund të shprehen shkurt si organizim i shkëlqyer, seriozitet dhe profesionalizëm, por dhe një mesazh i qartë, që tregon se shqiptarët kur kanë një ide dhe qëllim të mirë bëhen bashkë gjithnjë duke thyer nocione dhe gjeografi, duke bërë kështu të qartë se shqiptarët janë një Komb kudo që ata janë.

Jo më kot ky eveniment u zhvillua në një datë të tillë, si 13 shkurti, një ditë më parë se 14 e dashurisë, por në një ditë të shënuar, që shënon festën e 17 Shkurtit, datë kur u shënua Pavarësia e Kosovës, qartësisht që nga dita e tillë e shkurtit të 1945-së, kur forcat aleate sulmuan Dresdenin dhe shënuan atë që ndryshoi dhe rrjedhën e simbolikës së 13-ës, duke e quajtur shembje të së dhimbshmes dhe ringjadhje të shpresës dhe shpirtit simbolik. Në këtë ditë, pra kaq simbolike të shpresës, ky eveniment kishte si gjithnjë në organizimet festive të kësaj shoqate, protagonistët e shkëlqyer festivë, nxënësit e shkollave shqipe të kësaj shoqate, që ishin përgatitur në mënyrë profesionale nga mësueset Aida Haziri, Albana Vata dhe Anila Kadia, Klodi, Flora, Diti.

Një eveniment i shkëlqyer, pra tregoi se i gjithë stafi i shoqatës „Ardhmëria“ ishte në një nivel të lartë dhe tejet profesional. U sollën online angazhime në Gjuhën Shqipe të nxënësve të shkollave të Shoqata „Ardhmëria“, këngë, valle, interpretime. U përqëndrua evenimenti festiv gjithashtu sipas një programi festiv e gjithë vëmendja tek kultura, tradita dhe Gjuha Shqipe. U sollën fjalë përshëndetëse nga shumë e shumë të ftuar e të pranishëm, që folën rreth festës, evenimentit, dhe tërë programit që kishte në thelb atë që përcaktoi Albana Tahiri, si një mbrëmje „gala“. Gjithashtu u fol dhe për frymëzimin e brezave të rrinj me dashurinë për Gjuhën Shqipe.

Midis të tjerëve Musa Pali, anetar i KMSHD, nga Zvicra tha: „Urime Festa e Pavarësisë së Kosovës. Kam nderin që jam sot në këtë festë midis jush.“

Erida Koleci: „Lutfi, Anila, Aida, Albana dhe te gjithe mësuesit e shoqatës "Ardhmëria", përgëzime për aktivitetin! Gëzuar festën e Pavarësisë!“

Tomorr Kokona: „çfarë eventi, mrekulli? Ju uroj suksese të gjithë fëmijëve dhe organizatorët dhe mësuesve te shoqatës Ardhmëria“.

Osman Ademi: „Të nderuar/a kolegë/e nga Londra Lutfi, Aida, Anila, Albana…, më lejoni t'ju pershëndes dhe t'u përgëzoj për këtë program festiv vrtual me rastine 13- Vjetorin e Pavarësisë së Republikës së Kosovë! Falemnderit që na dhatë mundësinë që të ndajmë këto momente fesitive së bashku! Gëzuar!“

Luljeta Prençi: „Jam Luljeta Prençi, drejtore e gjimnazit “Ibrahim Rugova “ Kamëz (Tiranë). Ju përgëzoj për organizimin e kësaj konferencë por edhe për gjithë atë punë të madhe që shoqata Ardhmëria dhe gjithë komuniteti shqiptar në Angli bën për të ruajtur gjuhën shqipe dhe për të respektuar historinë e kombit shqiptar. Në veçanti përgëzoj fëmijët që interpretuan.“

Nuhi Gashi: „JU lumtë të gjithëve për kompetencën! Gëzuar Festën dhe uroj të shihemi në ngjarje të reja të suksesshme!“ e të tjerë e të tjerë.

Në thelb e gjitha ishte një uratë e mbarë dhe një falenderim i përzemërt për angazhime të tilla.


185 views0 comments

Shkrimet e fundit