Shën Valentini duhet të jetë në Prill

Fatmir Terziu

Prill

katër javë muaj plotë trill

pjesë mitologjike e vitit

megjithatë, dëbora që zbardh është më e rallë

nga trashësia,

nga shpejtësia e ritmit.

Matësi elektrik jashtë gumëzhin më fort

rrotat e tij po fitojnë vrull

qershiza dremit merr ngjyrë të purpurt

dhe rritja e çmimeve është e turbullt

ku ta zësh fill?

Dhe ata zgjodhën dy muaj më parë për të nderuar dashurinë.

Shën Valentini duhet të jetë në Prill.

kur bari është i njomë, plotë lëng,

nuk përshkruhet dot me fjalë,

vetëm me këngë,

bënë gjithënaja garë,

Zoti të duhurat për mirëmbajtjen i ka kryer

dhe një pamje tjetër merr natyra, thuajse të paparë.

Ndërton një çerdhe. Merr gjendnaja të sapopjekura

për shtëpinë e të porsamartuarve që po ngrihet.

Janë të dashuruar.

Dashuria më e mirë që kam parë ndonjëherë.

Dashuria që duket e pafund.

I shoh të blejnë buqeta

kuti çokollate

unaza me gurë të shkëlqyeshëm diamanti

dhe çarçafë prej mëndafshi.

I gjej të gëzuar.

Në mendjen time shoh fytyrën e tyre.

Dhe unë ndihem paq

Ai e psherëtin emrin e saj,

pa pushim

Ajo e zjarrmon emrin e tij

jo pa qëllim.

Engjëllore, ti je gjithçka e imja.

Të dua si askush më parë.

Engjëll, ti je zemra ime.

Nuk kam tjetër fjalë.

Dhe unë i përjetësoj brenda vargjeve të mia.

Poezia i bekon:

Qofshi gjithnjë të bekuar

Dashuria është përgjithmonë.

I rendis pastaj vargjet fill për fill

nuk e di pse Shën Valentini nuk ndodh në Prill.