Sakip Cami: Një tufë me lule në varrin e aviatorit Sabri Toçi

Nga Sakip Cami 

 Në gazetën “Fjala e Lirë”, miku im, shkrimtari Ermir Nika kishte lexuar poezinë kushtuar aviatorit dëshmor Sabri Toçi dhe më shkruan: 

“Sabri Toçi ka qenë shok kursi me tim atë në Institutin e fiskulturës" Vojo Kushi", më pas ndërroi degën për pilot. 

 Shumë nga studentët e Institutit të Fiskultures, ata më të mirët, pasi merrnin formimin dhe kualifikimin për pergatitjen fizike, kalonin në shkollat ushtarake

. Im atë Theofan Nika e kujtonte si një mik shumë të mirë me pengun që iku shumë i ri! Theofan Nikës, ish futbollist me “17 Nentorin” e Tiranës, me trajner Xhavid Demnerin, 4 vjet, Lym Allën, 1 vit , Osman Casllin, 4 vjet ja ndërprenë karrierën sportive pasi lufta e klasave kishte depërtuar edhe në sport, art dhe kulturë, 

 Sa herë shkonim tek varrezat e Sharrës, shkruan Ermiri, im atë ndalonte para varrit të Sabriut, vendoste një tufë me lule dhe ma riperseriste historinë e tij.

 Tanimë që edhe babai im ka ndërruar jetë unë sa herë shkoj te njerezit e afert, ndaloj për pak caste pranë varrit të Sabri Toçit në vend të tim eti dhe në shenjë të miqesisë së tyre. 

I perjetshëm kujtimi i Sabri Toçit ! 

 Shqiponjat dibrane 

(Dy pilotëve dibranë Sabri Toçi dhe Armando Gjoka që ranë në krye të deyrës më 29 mars 1980) 

 Ajo ditë marsi me shi e stuhi 

Ju gjeti ju në fluturim, në qiell 

Për ju nuk kishte të ndalur 

Për ju kishte vetëm diell. 

 Sabri Toçi dhe Armand Gjoka 

Një nga dyshet aviatorë 

Fluturuan mbi Atdhe 

Porsi yje, si meteorë. 

 Armando lindur në Tiranë 

Kurrë s’harroi Okshtunin e tij 

Vinte shpesh me babanë 

Drejt Dibrës fluturim. 

 Sabri Toçi nga Maqellara 

Deri në palcë atdhetar 

 Më i miri aviator 

 Aviator i klasit të parë. 

 Në atletikë me Partizanin 

Ish sportist i klasit t’parë 

Më i bukuri, më i miri djalë 

 Edhe sportist edhe ushtar 

 Në stërvitjen e vështirë 

Reaktivi nuk u bind 

Manovrim pas manovrimi 

Në përpjekje për shpëtim. 

 Për ta mbrojtur 

Shmangën qytetin 

Për të mos humbur 

Shmangën dhe detin

Toka i mori në gjirin e saj 

Lotoi qielli i tmerruar 

Nënat hapën krahët 

 Për t’i përqafuar. 

 Dhe mbetët tek Nëna 

Ju përjetësisht 

Lartësohet kënga 

Hymn, madhërisht.