RRUGA “JUSTIN GODARD” NË VLORË


RRUGA “JUSTIN GODARD” NË VLORË

Nga Luan Çipi


Rruga e Vlorës, “Justin Godard”,

Shtruar si me gur’ të artë.

Andej erdhën Fitimtarët,

Kombit faqet ia zbardhën.

Is Boletinin e patë?

Gurakuqin e kish pranë,

Vrionë, Begoll e Dematë,

Trima pa fund e pa anë!

Ju dritare kanatë hapur,

Tregoni se ç’kini parë:

Burra azganë të çartur,

Kuqezinjtë, fitimtar.

Madhështor duket Lef Nosi,

Dom Nikoll Kaçor, flokgjati,

Merlika, Qazim Kokoshi,

Medi Frashëri dhe Mitati.

Festën e bëjnë më të ndjerë

Këngët labe e mirditore,

Vallja çame, vler’ mbi vlerë

Dhe shakatë me kripë vlore.

Sheshi Flamurit gjëmonte,

Festë e madhe e Pavarësisë,

Shqipëria po gëzonte,

Ditët e lumtura të lirisë.

Ishte 28 Nëntor,

Ngjarje e madhe për Shqiptarë,

Objektivi sipëror:

Një bashkim për mos t’u ndarë,

Si dikur me Skënderebeun,

Lidhur besë a bes’ në Lezhë,

Të shpëtonin mëmëdheun

Me guxim, besim e shpresë.

Te kjo rrugë e shenjtëruar

Rendën vrap majë kali,

Atdhetarët më të shquar,

Printe Ismail Qemali!

10 Tetor 2021