PUNOJNË QORRAT

Nga Ideal Serjani

PUNOJNË QORRAT

Punojnë qorrat dhe hanë horrat,

Derrat bëjnë kurban berrat,

Të japin dorën të mirët,

Të japin shqelmin qafirët.

Ja trëmba nervat violinës,

Dhe ato u drodhën, u drithëruan,

Tutje me krahët e erës fluturuan,

Netët e gjata, të rënda më rëndojnë,

Shpirtin e nderur, shpirtin e terur,

Më shtypin me ëndrra, më tmerrojnë.

Gruri vënde-vënde nuk mbin,

Toka ka mbajtur borxhin,

Uria bren, uria grin.

Ende do vazhdoni,

Qafirë batakçinj,

Të ligjëroni, të vegjetoni ?

Ju me bezelikë

Të padukshme në qafë. Metalike

Ju menazherë të shtëpive publike!

Këngët tuaja janë ogurzeza,

Që shoqërohen nga orkestra e djallit,

Fyturat tuaja janë re të zeza,

Të frikshme si dhëmbët e shënjallit.

Shporruni në katakombet e Ferrit

Ju plaçkitës të bukurisë njerëzore,

Për ju mos pastë kurrë faltore.