Princi ynë i vogël, Mares


Albert Habazaj

Princi ynë i vogël, Mares

-Sot mbushi 1 muajsh-

nga Albert Habazaj

Ky 3 nëntor i bukur është i ëmbël,

më i gjerë në frymëmarrje, krejt ndryshe,

Gjyshi nga Vlora me luleshpirti thur këngën

për nipin e vogël, si zog dallëndyshje.

Princi po na rritet e mbushi një muaj,

dallon zërin nga vjen e të shikon në sy,

Mezi pret bukuroshi me gjyshin të luaj,

Sikur thotë: "Po pse u vonua ky?!"

Aty lëviz me këmbë e me duar,

si ato gjethet e gjelbra puhizës me vesë,

Aty rri serioz si burrë i menduar,

Si burrë kuvendi me fjalë e besë.

Kështu themi ne, pa ai s'do t'ja dijë,

S'ka ndërmend trimi t'i djegë etapat...

Tani Maresi do qumësht të pijë,

pastaj me cicërima të hedhë hapat...

Vlorë, e diel, 03.11.2019


#albert #habazaj #Mares

9 views

Shkrimet e fundit