PA DËGJONI Ç’THOTË KËNGA!

Vullnet Mato

PA DËGJONI Ç’THOTË KËNGA!

(motiv nga Folklori Popullor.)

“Të kisha pas një djalë, si Mema,/

paç me i hy vezirit mrena,/

me i lanë oxhakun, veç me femna!”

Dëgjoni, o burrecë, që vrisni femra,

ju, që keni nga një iriq në zemra!

Dëgjoni ç’thotë kjo këngë epike,

për traditën e lashtë historike:

Burri që është, vërtetë burrë,

nuk ka vrarë e s’vret grua, kurrë,

as grua të huaj, as femër të vetën,

se gruaja i sjell kësaj bote, jetën.

Burrëria e vërtetë në trojet shqiptare,

ka pasur kodin e mbrojtjes familjare,

kanunin absolut, që shmangte gratë,

nga gjakmarrjet, me të femrave gjak.

Nëse kanuni i vjetër i Lekë Dukagjinit,

ka të paktën vlerën e vrasje frenimit,

ky është kod i mençurisë tradicionale,

që gruan s’e bën viktimë, në hakmarrje.

Sot ata që s’kanë burrëri e gjak shqiptar,

shpirtin e gruas, çojnë më lehtë në varr,

pasi e gjejnë, të pafuqishme e delikate,

kur s’kanë fuqi tjetër, veç armë e llafe.

Për asnjë gabim, grua-nëna s’duhet vrarë,

se është më i madh gabimi, të çohet në varr.

Në çdo peshore bote, që gabimin peshon,

grua-jetën, edhe vet vdekja e përjashton.

Duke i prerë një dege të jetës, përjetësinë,

filizat e një fisi të ri, janë ndalur të mbijnë,

sepse dihet, gruaja është toka dhe rrënja,

ku gjithë lastarët jetësor, mbijnë nga nëna...

Ndaj them me këto vargje, se ligji i mirë,

nuk duhet të ketë kurrë, asnjë mëshirë,

për burracakët vrastar, të hurit e litarit,

që ndyjnë zakonin e traditës së shqiptarit!