“PËRMBYTJA” E VLORËS

Nga Luan Çipi

Thanë e thonë se u mbyt Vlora!

Jo, mor jo, llafe në erë,

Ranë ca shira e shkriu bora

Dhe tereni prap u shter.

U hapën dhjetëra puseta,

Kapakët u ngritën lartë,

U qëllua me shigjeta,

Hoqën me lopata baltë!

Nga veprimet Komunale,

Ujtë e tepërt shkoj në det!

Të pastrosh disa kanale,

Hidrovori, nis e flet.

Dolën në dritë bulevardet:

Vlorë–Skelë, “Transballkanike”,

Bukuri e rrallë rishfaqet,

Janë dy motra simpatike.

Anash pemë e trotuarë,

Biçiklat, linjë më vete,

Ecje e lirë për udhëtarë,

Vënde parkimi për mjete.

Të dy rrugët drejt një pike

Takohen në “Lungomare”,

Zbret aty, thua: u linde,

Në qiell hapen dritare.

Bukuri, që derdhet lumë,

Gjen qetsinë dhe të vërtetën.

Nuk ke pse kërkon më shumë,

Shend e gaz, shijoje jetën!

Tiranë, më 15 Mars 2021