Për një Orfe dhe Euridice


Për një Orfe dhe Euridice

Fatmir Terziu


Çdo ditë mund të jetë një dashuri,

përkujtuar nga guri i hedhur në detin e memorjeve.


Çdo ditë me pak dashuri

ka kuptim të vizatuar në kohë,

një histori e lënë pas

nga të gjitha gënjeshtrat që kam njohur ndonjëherë,

në gënjeshtër të së vërtetës,

në grimcat e analogjisë dixhitale të shpirtit tim,

e zgjedhur për një Orfe dhe Euridice

Dashuria është një kujtim.


Çdo ditë mund të jetë një dashuri

se një e tillë e mbyt errësirën.

Një shkëndijë e heshtur

në tokat e shkreta ku digjen stornishtet

kashta bëhet hi

brenda mitit të lashtë të një dite.


Dashuria është një kujtim,

si ajo e një ëndrre të harruar.


Dashuria është një kujtim,

brenda saj është një botë,

ndaj të lë jashtë në të ftohtë.


Dashuria është një kujtim,

zgjidhe me durim

dashuria është …

Një kujtim.


Çdo ditë mund të jetë një dashuri,

nëse e doni të vërtetën,

një fushë beteje, në të cilën unë s'qëndroj vetëm.


Dashuria s'është aksioma e një dite

për një Orfe dhe Euridice!

10 views0 comments

Shkrimet e fundit