Një “Rubahi” dhe tre poezi nga Myslim Maska
KUR DHE…
Kur motra dhe vëllai
Të nxorrën sytë
Ç’ pret,
Nga PRESIDENTI, Yt?…Maj, 2022, Athinë.
SA RA MBRËMJA
pejsazh
Sa ra mbrëmja
Zogjtë u fshehën
Pemëve të pyllit.
Kur doli hëna,
Pylli mori flakë…
Zogjtë fluturuan
Të trembur,të hutuar
Me pupla të argjendta
Brenda një zjarri të madh
Ku donin dhe s’donin
Të digjeshin…
KLITHMA
Kujtimit të mikut tim të rinisë,
Shkrimtarit Jovan Buli.
Ata që më deshën dhe i desha shumë,
Ikën…
Nuk e di për ku dhe pse?
Thonë në oqean ku dallgët
I shndërrojnë në pulëbardha!
Po ku janë pulëbardhat?
Kaq vite pres, e pres…
Dëgjoj vetëm klithma
Dhe zhurmë dallgësh…
KISHIM FRIKË…
Kishim frikë të putheshim
Mos digjeshim
Dhe bëheshim hi!...
S’duruam dot
U puthëm,
Mbinë pesë selvi
Në varreza…
