NJË NATË SI TË TJERAT


Thani Naqo

Ditëgjata tërhiqet llastikë,

Lodhja kërkon prehje e qetësi,

E njëtrajshmja shfaqet çdo ditë

Dhe Hëna blasfemi.


Sërish turbullira për ata që i sajuan,

Mbikoha paguan haraçin e tërrbimit,

Në daç per te rindërtuar,

Formulën e ozonit drejt shkatërimit,

Planeti në blu tjetërsuar.


Tymos cigare në oborrin e pasmë,

Shqetësimet i lë në thithjen e natës.

Kështu dhe euforizmin e një dasme,

Edhe klithmën briskprerese të gatës,

Mes vringëllima metalesh.


Lodhja m’i kthen sytë nga shtrati,

Prehet shurdhërimi me pakëz naivitet.

Veçoj ëndrrat sfondblu, ku fati

Gjahtar i regjur në natën që shket.

10 views0 comments