Një Mbretëreshë në Qiell


1.Një Mbretëreshë në Qiell

Fatmir Terziu


Flokët ngjyen me bojën e reve

ballëmbështetur

krenare në fronin më të ndritshëm,

zemra e Kasiopeas nuk është e lehtë për tu zbutur,

si e tillë, digjet e gjitha brenda syve,

vetëm për t’u tretur, në vuajtjet e Botës,

një Mbretëreshë e urtë,

e bekuar

me sprovën e kohës.


2.Ndërgjegjia


Të gjej atje ku sytë nuk të çojnë dot.

Në errësirë të verbër

ndjej zemrën dhe shpirtin tënd.


Ta dëgjoj zërin tënd të ëmbël,

e ndjej të më thuash,

edhe në ëndërr,

gjithmonë është vetvetja,

në sinkron,

e vetmja gjë që duhet të duash

dhe e vetmja

nga e cila mund të varet

ndërgjegjia.


3. Vetëm me fjalën Nënë!


Dhe me një puthje të fundit në ballë,

u mbollën lulet më të bukura në kopshtin e pafjalë.

Dhe ndjej zbrazëti.

Zbrazëti në shi.

Në lagështi.

Në tërësinë e Ujtë të Njeriut.

Unë e mbush zbrazëtinë me poezi,

më tej ngjyej gjykimin tim me frymë

dhe e tërheq vijën e udhëjetës me një teh nga bekimi yt.

Kam qenë i trishtuar për aq kohë sa nuk mbaj mend se si ndihet të jesh i lumtur ...,

në zgjim e në pazgjim.

Dhe Ju zgjoheni!

Kur zgjoheni, ëndrrat tuaja të këqija mbarojnë.

Kur zgjohem, fillojnë ëndrrat e mia ...

Dhe përsëri filon gjerbja. Piklat dalldisen si në pretencë…

Ato thumbojnë pa mëshirë në dushin e nxehtë

ndërsa uji i nxehtë që digjet laget mbi ta natës së ftohtë.

Pjesa më e vështirë e natës është futja e lotëve në jastëk.

Aty është vetëm një fjalë, e urtë, e butë,

ninullë, mesazh, uratë, bekim…,

shpirti im,

e thënë dhe e pathënë, e gjitha bëhet dritë deri në agim,

vetëm me fjalën Nënë!

71 views0 comments

Shkrimet e fundit

fjalaelireloadinggif.gif