top of page

Një gotë verë...


Korfuz: Një gotë verë me poetin Kiço Papa

Nga Fatmir Terziu



Një gotë verë me poetin Kiço Papa,

mjafton të kujtosh se je në Ditën e Madhe,

kur nga vapa,

dallgët e bardha bëjnë zhurmë,

duke pritur qypat nga dritaret

të largojnë mërzitjen në Korfuz.


Në një gotë të tillë, çdo kristlal është i artë

të sjell në bisedë Agim, Pandeli,

udhë rinore në varg

dhe të tjerë që nuk i ke takuar asnjëherë ti.


Në një gotë të tillë,

çukitjet të shpien tek patkonjtë e kuajve në një kudhër,

ku vetëm Hefesti mund ti punonte në një kohë kaq të shkurtër.


Që nga ai moment,

një gotë verë me poetin Kiço Papa

edhe me heshtjen e thjeshtë vetvetiu flet

për vitet që i mbetën prapa,

një mall që në Korfuz u tret,

mbi një gërshetë resh të trasha,

vargjeve të pashkruara një dashuri në letër,

ndjek dhjetra vasha

të luten sot në Kështjellën e Vjetër.


Edhe sot në një gotë verë me poetin Kiço Papa

liria,

mikpritja

dhe bujaria atje tej në Korfuz,

vallzojnë lirshëm vargjeve që ia lanë mbrapa,

zullumqarët konfuz …

18 views0 comments

Comments


Shkrimet e fundit

fjalaelireloadinggif.gif
bottom of page