NJË BASHKËBISEDIM VIRAL. ME Z. HEKURAN!

Mirëmëngjes i nderuar Hekuran. Duke lexuar vargjet e tua, të cilat kanë në brendi lloj-lloj interpretimesh, mua më erdhi në mendje një mendim shumëvjeçar, por që nuk e kam shprehur. Mos shprehja nuk ishte produkt i asnjë kundërveprimi, por thjeshtë e dija dhe mendoja se e dinin edhe ata që udhëheqin vendin njëri-pas tjetrit.

Fjala është tek kufijtë që ju i vargëzoni. E njoh mirë mentalitetin e kishës dhe shtetit ortodoks grek. Jo vetëm nga që jemi fqinj me tokë, por nga sjelljet, marëdhëniet me banorët e atij shteti. Them banorët se nuk them dot me grekët, sepse tashmë dihet nuk janë grekë, por një popullsi konglomerate dhe i quajnë grekë se janë ortodoks të linjës buzantine. Por përsëri duhet të sqaroj se popullsia e Greqisë duhet të kuptohet mirë se ka dy histori:

a) historinë e grekëve të para shek të XIX, që jetonin tamam si fqinjë me ne, dhe

b) historinë e popullsisë të shtetit grek mbas vitit 1913, siç u tha një konglomerat që ndjek rigorozisht planin agresiv për përhapjen e helenizmit. Kur nuk ke taban, bie në humnerë. Është kjo frikë që mendojnë të shpëtojnë duke u mbajtur fort mbas megalloidesë, për një ëndërr të re bizantine. Ani, le ta vazhdojnë ëndrrën, por teoritë e vjetra lidhur me oganizimet e shoqërisë njerëzore, është vërtetuar shkencërisht dhe praktikisht se i nënështrohen në vazhdimësi ndryshimeve (matriarkati, patriarkati, martesat në çift, bashkëjetesat po në çift, ose jetesa të jashtëligjshme, etj, etj).

Ti japim kuptim këtij shkrimi që flitet për kufijtë. E dimë se kufiri jugor shqiptar arrin "deri nek tre gurët e zezë". Mbas atyre "Tre gurëve të zezë", fillonte fqinjësia me Greqinë. Nga Konispoli deri "nek-tek" Tre gurët e zezë, është një hapësirë që ndjell frikë, ankth, armiqësi, pengesë serioze për zgjerimin e helenizmit! Greqia e di mirë dhe e ka shumë të qartë. Ajo e di se vendimet e 1913 janë anti së vërtetës, ajo mundohet të bëjë sikur nuk e ka problem, por në të vërtetë rri u tulatur dhe ruan gjetjen e çdo mundësie që nëse krijohet ndonjë problem, hidhet me njëherë përpjetë për të kapur prenë.

Ka vite që Shqipëria është në ndjekje të rrugës për në BE. Greqia bën sikur flë për hallin dhe kur ndonjë apo disa shtete që pengojnë Sgqipërinë, ajo me dinakëri del e para dhe deklaron se do ndihmojë për anëtarësim. Por jo me zemër, përfiton nga shtetet që pengojnë. Sot kur, mesa duket Shqipëria, plotëson kushtet dhe nuk ka ndonjë shtet pengues, Greqisë i rreh zemra nga frika e përgjegjësive të zullumeve të kryera gjatë 111 viteve dhe fët e fët nxjerr një sebep koti dhe tregon egërsinë që ka thellë në strategji duke deklaruar se do të pengojë Shqipërinë për anëtarësim në BE, nëse nuk plotëson kushtin e saj për të helenizuar një pjezë të jugut shqiptar dhe këtë e lidh me një individ mercenar. Erdhi koha që struci të dalë në shesh me gjithë kokë.

E vërteta është se shteti Grek asnjëherë nuk ka dashur dhe as dëshiron që RSH të bëhet anëtare e BE-së. Ajo e di mirë se hyrja jonë në BE, asaj i pengohet strategjia e helenizimit të jugut shqiptar; do të përgjigjet dhe do të detyrohet të shlyej një për një, për aktet barbare, vrasjet, masakrat që i ka kryer shqiptarizmës si dhe dëmshpërblimet nga 1913 e këndej (dhe borxhet janë shumë më shumë se sa mali i Tomorrit). Sigurisht kjo shpagesë, do të kryhet sipas karakterit historik shqiptar me mjete dhe mënyra DEMOKRATIKE!.

Fahri Dahri

Bergamo, 27/11/2023.-