“Ne 20 vjeçarët”


“Ne 20 vjeçarët”

Poetit dhe shkrimtarit Musa Vyshka

Nga Fatmir Terziu*


Sa i plakur më duket ky kënd

Jam ndjerë i ri

Çamarrok,

djaloshar

dhe burrë

Jam ndjerë edhe njeri

Në këtë kënd

Mes mallit të përzhitur, furrë!


Sa i plakur ky kënd

Këta gurrë

Këta qoshe të rënda hajmali

Sa i rëndë për besë e vatan

Ky malli që tretet në brendësi!


Jam ndjerë i turpëruar në fëmijëri

Tek ky kënd dëshmitar

Teksa villnim mbi avlli

Kumbullat e tharta

Të papjekurat qershi...


Jam ndjerë frikacak tek ky kënd

Kur fustanin ta grisi ajo ferrë

Teksa gjumi na kish ngërthyer rëndë

Dhe mbi ne dy gardelina bënin poterë.


Ne 20 vjeçarët” pastaj shtrëngonim në gji

Brilantet e qeta të Musa Vyshkës

Si karakaftet që mbinin nën ullinj

Dremisnin skuqafaqet tona poezi.


Lasgush Poradecin e ngatërronim shpeshherë

Teksa lexonim “Ne 20 vjeçarët

Por, na nxirte nga bataku menjëherë

Pano Taçi që e njihte mirë atë vlerë...


Pastaj bashkë me Vyshkën në këtë kënd

Përzier na vinin përditë

Vath Koreshi, Ruzhdi Pulaha,

Sulejman Mato, Elena Kadare, Sadije Agolli

Dhe më tej zhuritej ullishtja

Teksa merte ngjyrë portokalli!


Bëka vapë sërrish tek ky kënd

Myshqe, likene e mjaft gjemba

Bukaniku ballë mbahet rëndë

Mbi betone tashmë shkel këmba...


*Përfshirë në vëllimin poetik "Lumenjtë e ëndërrave" (2012)

49 views0 comments

Shkrimet e fundit