top of page

Në kohë virusi…




Luan Xhuli

Në kohë virusi…

…gjeta çastin të mendoja për një të harruar.

Edhe për një të vdekur,

që nuk shkova të shihja një herë shtëpinë e tij të ikjes.

Për një takim,

që refuzova i nxitur nga gënjeshtra

u kujtova sot,

ku edhe kockat më ndihen të copëzuara…

I tërhoqa veshin vetes,

derisa më dhëmbi mendimi :

-O njerëz,

ndëshkoni qënien me çekanin e sotëm të dhimbjes.

Të shkruar me shkumës jemi

mbi këtë letër të zhubrosur,

pagëzuar si jetë.

Gjysëm e grisur

dhe gjysëm e ngrënë,

nga mëndjemadhësia jonë e vetes…!

Luan Xhuli

Athine


26 views0 comments

Comments


Shkrimet e fundit

fjalaelireloadinggif.gif
bottom of page