Fjalë për fjalë
(Në Ditën e Gjuhës Amtare)
Fatmir Terziu
Pra, atje në pragun e dritares
me dy kanate
u ula duke analizuar zgjimin tim,
njëri kanat ishte jashtë dritares të tregonte të sëmurë mendorë
tjetri brenda ndarjes në një ekran që fliste për terroristët,
pastaj ndryshova idetë dhe mendimet...
… më pas u shfaqën dy objekte të ndritshme zjarri
në horizont...
pastaj dy të tjera...
godisnin hemisferën ndarëse të trurit brenda kafkës
derisa u ngrit një dhimbë mbi një romb të përsosur
që shpoi qiellin e natës.
I përzieja tejçimet.
Duke u shtrirë me shenjtorin me kapakë të trashë ende sot...
brenda një mrekullie të dritës së ngadaltë,
isha aq i etur për fjalët në këtë çrregullim,
madje shkrova në një faqe të rishikimit të lajmeve të së dielës,
Zoti më ndihmoftë,
ndjej nevojën të flas për njerëzit me shkrim.
Testament për vizionet moderne:
fenomeni modern gjuhëdredhor
gjendet kryesisht në rregullin e pashkruar të sotëm
si hyrje e spontanitetit artistik parajsor
larg teorisë së ngurtë në situatën e shembullit praktik
e gojës së nakatosur në materialin psikoanalitik...
Flet për kthimin nga e majta në të djathtë...
nga lart poshtë...
nga burr në grua... por jo shqip
pak si një dialekt që jep udhëzime...
në Parlament, Qeveri, Bashki me të njëjtin tip
përfundon në një mbretëri
dhe mbreti është stolisur jo më si një kardinal të kuq
peshkop i purpurt...
por dhimbje...
ky është viti 2022...
nuk është çudi pse hipitë e vrasin Gjuhën Shqipe!
