MUA MOS MË QANI…
- Prof Dr Fatmir Terziu
- Dec 5, 2022
- 1 min read
TRE POEZI NGA MYSLIM MASKA
KUR DITA VDIQ…
Kur dita vdiq,
Nata e ngushëlloi
Me miliarda qirinjë yjesh…
Të dashuruarit u marramendën, u puthën…
Të nesërmen,
Lindën skllevër të rinj,
Por më të bukur…
Dhjetor 2021, Athinë.
MUA MOS MË QANI…
Mua,
Mos më qani kur të vdes,
Do më qajnë milingonat,
Lulet, zogjtë që i desha shumë…
NËNA do ngrihet nga varri
Dhe do më puthi në ballë
Siç e putha unë…
28 – dhjetor – 2021. Athinë.
U DESHËM…
U deshëm aq shumë
Saqë,
Të dy vdiqëm
Në një ditë,
Thonë se varri u bë dritë…
Dhjetor, 2022.
Faleminderit i nderuar Poet, per postulatin mencuror. suksese. Me shume respekt Myslim Maska.
I dashuruari me jetën, deri në frymën e fundit të poetit, bashkëjeton me pasjetën, me me përjetësinë.