top of page

Molla e Evës dhe Adamit


Molla e Evës dhe Adamit

Nga Fatmir Terziu


Më shumë se gjysma e saj tretet

tjetra metohet në e nën ca fara,

e ajo që më pas prej saj mbetet,

nuk është sidoqoftë si e para.


E kafshoj. E pastaj ajo më ysht,

më neps ta gëlltis që të gjithë,

por kam frikë se më ngec në fyt,

nuk jam përballur me një të tillë.


E ka trupin lëkurë të lëmuar,

e gjitha ngjan si një mrekulli,

kur e bën gati për ta kafshuar,

kujtohesh se nuk bën dashuri.


Cipalet e saj janë aq të hollë,

sa ngjan si një diçka e gjallë,

e ajo s'quhet thjesht një mollë,

nga koha me Evë dhe Adam.


Kohërat e shpjeguan në fakt,

si një lojë e projektuar mirë,

që të shpjegohej me të një mëkat,

që sot duket për ne paksa i fryrë.


Ai veprim u shfaq me shumë ngut,

vetë molla e ngjizi si një mëkat,

dhe mbeti peshqesh në atë udhë,

kur kafshohet nuk quhet më faj.


Më shumë se gjysma e saj tretet

tjetra metohet në e nën ca fara,

e ajo që më pas prej saj mbetet,

nuk është sidoqoftë si e para.


Ajo vetvetiu që i metohet fatit,

tregohet si mit dhe si një përrallë

është Molla e Evës dhe Adamit

për të s'thuhen sot shumë fjalë.

32 views0 comments

Shkrimet e fundit

fjalaelireloadinggif.gif
bottom of page