top of page

Midis Qenies dhe Asgjësë


Midis Qenies dhe Asgjësë

Nga Fatmir Terziu


E përcolli zyra e Kuadrit CV-në e tij

pak shënime në shtysë,

një emër i fryrë

nga vetë Organi më i Lartë i ekipit të Tepsisë,

vetëm një tjetër punonjës i politikës eksperimentale

një lustrues më shumë i qeverisë.


Shëtitja e tij mujore një shënim me të kuq: i privilegjuar

një milionë të ngjeshura në xhepat e tij

shqip

ndonjë tips

që vjen e flet edhe në anglisht.


Asnjë ndryshim.

Asnjë vartës në departamentin e tij

përgjegjës vetëm për xhaketën e re,

kollaren e fryrë

e ndan suksesin e tij me ata që i quan miq.


E padukshme bota që e ndërlidh

brenda dhe jashtë,

lëviz ende në një labirinth

që me Organin më të Lartë i bën bashkë.


E ky është tashmë në një mjedis të ndritshëm

i kapur nga e keqja, i dorovitur nga e mira,

aspak i talentuar, krejtësisht i mërzitshëm,

xhepat i mban gjithnjë të fryra,

sigurisht me djersën e vetë

ky tashmë është zotëri, madje është edhe profet.


Ky është me Tjetrin gojëëmbël

flet si në kuti,

lloji që do të habiteshe ta shihje në ëndërr,

ka pamje, ka forcë, ka fuqi.


Ai u shfaq në filmin e suksesit,

duke qëndruar në vijën e hollë midis Qenies dhe Asgjësë,

sytë e tij hapen si gryka e thesit,

duke ecur në rrugën e mbushur me pluhur,

këmbët e tij nuk lënë asnjë gjurmë

sikur të mos kishte ndikim në tokë -

sikur koha nuk do të ecte me të

ai ishte ende në gjumë.


Dhe ndërsa ai ecte, ne mbetëm të trazuar.

Pastaj mjegulla e përpiu ngadalë

si një hero legjendar

kush nuk bëri asgjë të rëndësishme,

veç të qëndrojë aty me këmbë të mbarë

është nga raca e sotshme e padobishme

është … Parlamentar.

10 views0 comments

Commenti


Shkrimet e fundit

fjalaelireloadinggif.gif
bottom of page