Mbas karantinës



Luan Xhuli

…kam ngelur si verë e prishur:

As musht,as uthull.

Ngjasoj si zgalem i lodhur,

ku s’më bën përshtypje kaltësia e detit.

Tantellat e valëve,

s’më ngjallin asnjë flirt….

Më tmerojnë lajmet në radio- television

dhe njerzve u thërras me ngjyrën e maskës që mbajnë.

Hutohem nga fjalët e kalimtarëve

dhe kam harruar të shijoj buzët e buzëqeshjeve.

Të gjitha ditët më duken të djela vdekjesh,

binjake të orëve mortore që heshtin.

Harroj të marr hapjet e tensionit në kohë

dhe për gjithë natën,

shoh endrra me buldozët që mbulojnë frymë…

Zgjohem nga ky ankth mortor, vetëm kur nipi

kthyer nga shkolla thërret me të madhe:

-Gjyshiiii, sot morra një dhjetë tjetër

dhe pse maskën e kisha deri tek sytë…

2020

24 views0 comments

Shkrimet e fundit

fjalaelireloadinggif.gif