MË NË FUND


Edmond Llaçi

Duke qenë i shumëkërkuar prej publikut, përveç se ishte një nga protagonistët më kryesor të humorit në një prej kanaleve televizivë më të dëgjuar, gati përditë do të shfaqej edhe në media të tjera televizive. Deri sa të përshtatej me moderatoren e emisionit dhe të ftuarit e tjerë, do të qëndronte i heshtur. Nuk do të reagonte karshi çdo gjëje që do të debatohej aty, veçse nëse do të ngacmohej prej humorit të bukur të dikujt. Po të vërehej në fytyrë, në ato momente, prej tij, do të ndjehej ose më saktë do të përjetohej gati çdo frazë e çdo kujt tek fliste, bile gati të imitonte edhe lëvizjet e buzëve të personit. Vetëm pak përpjekje do t’u duhej të ftuarve dhe ai do të çonte kokën. Pasi kryente disa lëvizje të shpejta të saj, si ato bishtat kur kapin prenë e tyre, fillonte me një histori të shkurtër. Shumë të tilla i tregonte në një kohë rekord. Të gjithë sa ndodheshin aty, për shkak të trajtësimit të shpeshtë të fytyrës, të shoqëruara me lëvizjeve trupore të shumta, do të kalonin në ekstazë. Vetëm qeshje dhe humor i pa ndalur. Pra gjithë koha e pas-taj-me do të konsumohej me humor të ndërsjellt prej të gjithëve. Drejtuesja e emision nuk do të mundej ta zotëronte situatën. I ftuari, humoristi, do të kalonte kufijtë e gjithçkaje

Përveç zërit të cilin e përshtaste bukur, ai luante mrekullisht me fytyrën ku me pak truk mbi të, do të shfaqej portreti i personit që imitonte. Dhe kjo ishte jeta e tij e përditshme, e vrullshme, e pandalshme ku edhe në shtëpi në të njëjtën formë do ta kalonte. Në fundjavë, si kohë të domosdoshme për t’u shpëlodhur, do të përsëriste jo vetëm batutat të aktruara bukur por gjithçka që përjetonte në skenë. Nga ato pyetjet e tij të çuditëshme të cilat nuk do të ishin direkte çka po i kërkonte, ajo, bashkëshortja e tij do të kuptonte se përse bëhej fjalë. Tashmë nuk po shfaqej ajo fytyra e tij simpatike me fjalët përkëdhelëse dhe ato të puthurat në kërkim të mëtejshëm të trupit të saj. Brenda vetes ajo ndjeu një moment hutimi. Për herë të parë vuri re diçka tek ai. Në fytyrën, qafën dhe gjoksin e tij. Ishte një ndryshim si në tkurrje, si një tërheqje lëkure ku nuk i ndjehej ai lëngu jetësor. Shumë është dobësuar tha me vete. Çfarë i ka ndodhur. Pas shumë kohësh të pa kuptuar ajo ndjeu se diçka nuk po shkonte mirë tek ai. Fytyra po