top of page

LIRIKË


TRE POEZI NGA MYSLIM MASKA

TI…

(ABSURD)

Deshe të braktisje NËNËN,

Pse të tradhëtoi Babanë?!

Mirë!,

Po për gruan tënde

Që të tradhëton çdo javë

Si s’thua një fjalë,

O i marrë?…

4- 12- 2021

DËBORA NË ATHINË

Dëbora erdhi ta bardhësojë

Dhe bukurojë këtë botë të PISTË.

Jeta nuk e deshi!

E fyer,

Iku duke qarë…

Lotojnë taracat e pallateve

Ghethet e pemve

Dhe të trandafilave…

Athinë, 28- 1 – 2022.

LIRIKË

Le të vdisja

Në sytë e tu, brenda

Në dy varre që vezullojnë dritë,

Duke puthur buzët

Mjalt të ëmbla,

Harlisemi te dy, mish e shpirt.

Kjo është vdekje!

Se kush vdes, s’vdes prapë

Jeta është dritë engjëjsh që të çmend

Se më tej je “HIÇ”

Një flori në baltë

Një rreze Ylli, pikë vese mbi gjemb…


18 views1 comment

1 Kommentar


Kozma Gjergji
Kozma Gjergji
23. Dez. 2022

Si gjithmonë shumë bukur edhe këto motive poetike më të reja të poetit Myslim Maska. Ja, sa shpejt kaluan muajt dhe tanimë kemi mbërritur në epilogun e vitit. Me këtë rast ju urojmë festën e Krishtlindjeve dhe ndërrimit të moteve. Qoftë 2023-shi për

ju një vit i bukur, me shëndet të mirë e plotë gëzime në familje, në krijimtarinë letrare

dhe në çdo veprimtari tjetër e kudo. K.Gjergji. Venecia, 23 dhjetor 2022.

Gefällt mir

Shkrimet e fundit

fjalaelireloadinggif.gif
bottom of page