top of page

LIGJËRIM, 4



po ndihet aroma e fushave me karafilë të kuq

ësht’ koha për dashuri në Malaga

saqë mund t’përfytyrosh njëherësh në t’njëjtën

kohë

një poemë, një sekuojë, një tingull

me sa mall

tek rri në shtëpinë e gruas trupqumësht

të qetë si agimi n’kanapenë me kadife t’alltë

me palcën e puthjes s’afshtë në gushë

mes refleksesh drite ujërash t’lumit që përplasen

n’muret e dhomës me valë të dridhshme

n’heshtjen e dashurisë që ësht’ mu si jeta e përjetshme

se nuk flitet në përjetësi

i kam kënduar të gjitha këngët e gëzimit

të gjithë sonetet e shendit

nëpër kurmin e saj me sa ajth

hija e shpirtit, të ushtruarit e jetës

paqësia ajrore e lëvizjes, si krahu i rregullt i kondorit

si kurba e qetë e vezëve

si dunat e vogla me bruka që rrethojn’ si mburojë

plazhin e gjer’ kum të Bashtovës sime

atje larg

po ndihet aroma e fushave me karafilë të kuq

ësht’ koha për dashuri në Malaga

saqë mund t’përfytyrosh njëherësh në t’njëjtën kohë

një poemë, një sekuojë, një tingull

me sa mall…

Durim Çaça

9 views0 comments

Comments


Shkrimet e fundit

fjalaelireloadinggif.gif
bottom of page