Nga Timo Merkuri
Lajmi i shuarjes së aktorit dhe regjisorit të mirënjohur Anastas Nika e përshkoi si një fashë rryme trefazore qytetin e Sarandës duke shkaktuar një moment mpirje te banorët të cilët ishin në dijeni të sëmundjes por kishin rritur shpresën e shërimit të aktorit të tyre të dashur.
Aktor pasionant dhe i talentuar, njeri i shoqërisë të gjerë, bashkbisedues i këndshëm dhe i vëmendshëm gjer në detaje Anastas Nika më shumë se një aktor ishte mishërimi i qytetarisë dhe shpirtit artistik të qytetit tim.
Ja pse shuarja e tij ishte si fikja e një ylli orientues në qiellin e shpresave ku retë e shumta mbulojnë dhe ato pak dritësime të yllta veprash të atyre njerëzve që ja kushtojnë jetën e tyre qytetarisë. Prandaj na dhëmb dyfish shuarja e yllit Anastas Nika, prandaj sot në vend që t'i themi lamtumirë i themi: Faleminderit Anastas Nika për gjithçka na ke dhënë. Nuk të harrojmë.
Comentários