Lënçime të lapsit

Fatmir Terziu

Pa kalendar

Unë e pjek fjalën në majë të gjuhës,

disa herë fotografoj racionin e shijeve të shkruara.

Brenda kalendarit

Paraardhësit e mi nuk ishin thjesht njerëz,

unë jam pasardhës i yjeve.

Nëpër kalendar

Lumturia është një zog mes nesh,

ajo e lë kafazin e saj shumë shpesh.

Jashtë kalendarit

Ju dhe unë jemi si qielli dhe oqeani në sinkron,

takohemi vetëm në iluzion.