top of page

Kur dashuroheshim në kohën tonë


Kur dashuroheshim në kohën tonë


Poezi nga Dritero Agolli


Kur dashuroheshim në kohën tonë,

Kur tretesha dhe digjesha për ty,

Nga njeri-tjetri letrat vinin vonë,

Kalonte dhe një muaj apo dy.


Po ndofta dashuria mbahej gjallë,

Se zjarrin mbanin letrat në udhëtim

Me bicikletë a mushkë apo me kalë

Në vapë e shi, dëborë dhe thellim.


Kur dashuroheshim në kohën tonë

Me zor na vinin letrat fshat-qytet

Nuk kishim nëpër dhoma telefonë

Dhe në ëndërr s’kishte faks dhe internet.


Megjithatë më mirë që nuk kishte

As telefon as internet, as faks,

Se fjalë e nisur shpejt dhe mund ta vriste

Një dashuri të vjetër për një çast.

10 views0 comments

Shkrimet e fundit

fjalaelireloadinggif.gif
bottom of page