Kujtim Stana: Koment në vargje, për poezinë “Gonxhe në shpërthim”

Kujtim Stana: Koment në vargje, për poezinë “Gonxhe në shpërthim”

               (Të shkrimtarit Fatmir Terziu )

Më tërhoqi e më bëri sot për vete

kjo poezia: "Gonxhe në shpërthim",

flakërimë e dritë gjer në dehje,

nostalgjisht përcolli shpirtit tim.

Për të mbajtur gjallë, vargjet e tua

eh poeti ynë i dashur, Fatmir

të më falësh, po t'i marr ca fjalë hua

metafora në gurgullimë, gaz e shpirt.

Pa qenë gonxhe, s'kurorëzohet lulja

as ilaç shërues s'i bëhet botës,

bashkë me të çdo sfidë do mundja

jetën mjaltë, në çdo stinë të moshës.

Më ka ngjitur e s’më ndahet kjo poezi

flet për jetën dhe për ndjenjën më të bukur,

dashurinë, porsi lulja në gonxhim

vjen e sertë dhe delikate krahëflutur.

Rrjedh ujvarë e kristaltë, shkrirje bore

këngë e bukur, sa turpërohen bilbilat,

flladon zhegun, me një fashë freskore

mirësive në maksimum, jua çel grilat.

Thonē se nuk i ngjan jeta-jetës

është një cikël që kalon çdo njeri,

"Gonxhe në shpërthim", yllëson kujtesës,

Jetën time, film me shumë seri.

Ndaj poezia ka mision të  shenjtë

ajo te njerëzit merr e jep mesazhe,

t’i bën muajt të stinojnë pranverë

të buzëqeshësh, në sa më shumë çaste.

Ky koment për mua është i rrallë

me urime për poetin tonë Fatmir,

koha është të shtoj dhe një varg:-

Për gjithshka përçon, një falenderim!

Me respekt, Kujtim Stana, 27.06.2026