Ferhat Çakërri (1929-2000) është një ndër poetët e letërsisë Shqipe për fëmijë e të rinj mjaft i njohur me krijimtarinë e tij të pasur.
Brezi ynë i atyre viteve, që e kemi njohur nga afër kemi kujtime dhe kjo në bënë të publikoj një poezi nga krijimtaria e tij poetike!
KU T’I GJEJ TRIMAT E RËNË?
Nënë,moj e dashur, nënë
Ku t’i gjej trimat e rënë?
Tek çel lulja e lind dielli
Bir, dëshmorët do t’i gjeni!
Nëpër ara plot me grurë
Të bashkuar në flamurë!
Nëpër male plot me borë
Do të gjesh plot dëshmorë.
Nëpër kodra,fusha, pyje
Bisedojnë me hënë, me yje.
Nëpër kroje anës lumit
Ku lajnë plagët e plumbit.
Nëpër shkolla, nëpër sheshe
Me fëmijët përshëndeten.
Në çdo festë ngrihen në këmbë
Mbushur lule, mbushu këngë.
Në shtëpi, në ballë, në dhomë
Edhe thellë në zemrën tonë!
Mar nga “ Antologjia e poetëve të Vlorës“,viti 2004, f, 54 Pregatitur nga Arqile V Gjata
