KTHIMI NË KOLIBEN E MAJMUNIT

Vullnet Mato

Shkenca, me përparimin kozmik,

nuk arriti prapambetjen të shkuli,

nga kthimi pas, te prejardhësi arkaik,

në koliben e hershme të majmunit.

Luftërat e pareshtura në Palestinë,

për të zotëruar varrin e Krishtit,

vërtetojnë, se trashëgojmë egërsinë,

si në xhunglën e majmunit ku ishim;

Klandestinët mbytur në Mesdhe,

nga lufta siriane e parafundit,

dëshmojnë kthimin e kohës së re,

në çadrat si kolibe të majmunit;

Mizëria masive, e ikjes afgane,

në tmerrin e aeroportin të Kabulit,

dëshmojnë prapakthimet mjerane,

në koliben fillestare të majmunit;

Kur Dubai, Amerika, Sharm El Sheik,

bëhen shembull modern gjithkundi,

primitivizmi i hershëm, nostalgjik,

na rikthen në koliben e majmunit.

Kthehet shfarosja me pandemi

si në kohërat e errëta të kolerës,

vdes njeriu goditur në mushkëri,

nga virusi përhapur prej erës.

Virus i përgatitur, për eliminim,

armë biologjike e fuqisë së fundit,

përmbi raketat atomike në asgjësim,

për t’u kthyer në koliben e majmunit.

Lënia e globi, në flakët e zjarrit,

përmbytjet nga dallgët e tajfunit,

tregojnë mbetjen e mijëvjeçarit,

në koliben e hershme të majmunit.

O krerë shtetesh, o paranojakë,

të etur për para dhe pushtet,

po ndizni luftëra të derdhni gjak,

ta bëni Tokën, Hënë të shkretë;

Por këtu do të ngordhni edhe vetë!...