Koha e udhëtimit

Updated: May 19


Koha e udhëtimit

Fatmir Terziu

Im Atë më rikujtoi pyetjen e përsëritur

kur do të mbarojë kjo Kohë?

një pyetje kjo, bonus …

… kur ishte hera e fundit

që Koha ka qenë në fokus?

Bëra diçka pastaj,

diçka që nuk e kisha bërë kurrë më parë.

Mendja ime udhëtoi larg

dhe përcaktoi gjininë e saj.

M’ u shfaq Bonaparti.

Fillova te pyes veten:

Po me kohën ç’pati?!

Eh, më ndjé!

Kur ishte hera e fundit që e pyetëm veten.

Kush jemi ne?!

Cila është Koha e arkitekturës sonë.

Kur ishte hera e fundit për kohën sadopak,

por edhe kjo nuk ishte kurrë e saktë.

Hera e fundit

që kemi pyetur se kur ka qenë hera e fundit

nuk është vetëm një fjalë

është saktësisht hera e fundit

që e ka tërhequr Koha kohën zvarë.

Kur ishte hera e fundit që gërmoj

që mund ta trajtoj.

Kur ishte hera e fundit

që u përqëndrova në zërin e zërit tim …

…Kujtime të plasaritura

prani e cekët

rriqrat zvarrisin udhën e akrepave të orës.

Kur ishte hera e fundit

kur koha u tërhoq zvarë nga Kultura.

Kur ishte hera e fundit,

sekonda, minuta, dita

kur pakultura u turr të pushtojë trurin.

Sa e pashmangshme është Tradita.

17 views

Shkrimet e fundit