KALORËS I ZJARRTË

Bajame Hoxha - Çeliku

Atë ditë unë e preka magjinë e ëndrrave,

preka filizin tënd brenda nëpër flakë.

Pasionin dalluar midis njëmijë femrave.

E pe sa u shfaqa o kalorës i zjarrtë.

Me lirishtën tënde të bukur, të paharruar,

më godite me shigjetim të përflaktë.

E gjallë, buzagaze, e hareshme, e ngazëlluar,

jargavan në lulëzim, u gjeta at’ natë.

Ballin e mençur prej fildishi e mbështete,

me flokët e florinjtë mbi gjoksin tim.

Me sytë ngjyrë kafe me afshe ti më joshe

ku rrëzëllejë verbues gjithë shtati im...