top of page

JETË E EGËR





Agimi i roztë është kreshpëruar

Dielli në shtrat, raketë

Lule të vrazhda

Gurë të lotuar

I hidhur jam dhe vet


Jetë e egër me sy të gjëmbtë

Rreth globit merimangë

Loti pa peshë

Dhe në të dhëmbtë

Nga syri përton të dale.



Ruazë e gjakut, sterilizuar

I shterptë emocioni

Pa mitër dashuria

Vëllai i huaj

Dhe UFO të ngjan gjitoni.



Atomi i kohës është paraja

Shpërfillja kushton si lirë

Liria një ujk i tërbuar

Që s’njeh më kufijtë e saja

Kulturën përtyp me dëshirë.


Thelbi i jetës vetëm fasada

Ndër rreshta servilizmi

Jetë e egër e dëshpëruar

Që për vesin do dekorata

Dhe urrejtjes, jastëk bekimi.



Po ku je Krisht i vonuar?!

S’mjafton vetëm në Pashkë

Jetë e egër e kryqëzuar

Dy mijë vjet na ke munguar

Me djallin flemë bashkë.



Jetë e egër vëlla, jetë e egër!

Është hënë e brezit të gënjyer

Duro shpirt i djegur

Sa të ruhen gurët me mjekër

Portat të puthin mallin e rikthyer.

24 views0 comments

Comments


Shkrimet e fundit

fjalaelireloadinggif.gif
bottom of page