GJOKSI MONUMENTAL


Vullnet Mato

Vullnet Mato


Është gjoksi femëror,

më e arta kurorë,

në tërë shtatin e saj,

me bukuri pa skaj.


Kush sferat e gjoksit

mrekullinë e globit

sheh si organ seksit,

është jashtë realitetit. 


As kur duket zbuluar

s’duhet turpëruar,

por duhet nderuar,

në çdo të vështruar;


Si një monument,

mbi monumente,

si dy superplanete,

në një orbitë jete;


Që kanë populluar

globin duke zhvilluar

me gjallesën perfekte,

në shtatë kontinente.


Aty nisi jeta në vite,

me qumësht drite,

me dritë nga yje,

në dy buzë fëmije.


Me i thjeshti nga ne,

te kozmonauti në re,

marrim vrull yrishi

nga ai gjoks prej mishi.

Aty shkencëtari,

merr ngasje së pari,

autoritet, presidenti,

dhe frymëzim poeti.


Secili person madhor,

në momentin foshnjor,

sapo doli nga kulisa,

ka hapur gojën te sisa.


Thithi gjakun e bardhë

të atij gjoksi amëtar,

që nuk e konkuron,

asnjë lëng me biberon


Si nga nëna, delja, dhija

pa gji, nuk rritet fëmija,

aty janë rrezet diellore,

për moshën foshnjore.


Gjoksi na ngriti në këmbë

të hedhim hapat e rëndë,

të lëvizim duart e trurin,

të arrijmë gruan e burrin.


Ndoshta as vet gratë,

s’mendojnë aq gjatë,

sa shumë gjoksi i vlerëson, 

pa i shtuar aspak silikon.  

Te gjoksi kemi prezencën,

Aty kemi krejt ekzistencën,

Aty është gjithë energjia,

për rrugën te gjithësia...


#vullnet

26 views

Shkrimet e fundit