Flas me fëmijërinë në Poliçan


Mosha 5 vjeçare...

Bardhë e zi

(Flas me fëmijërinë në Poliçan)

Fatmir Terziu

Ata janë katër. Mjeshtra  të Uzinës për armë

luajnë domino

“ZP”-Ja poshtë duarve me kallo mbi divan

lexohet vetëm: “Bota zien kazan”.

Flas me fëmijërinë

bardhë e zi në Poliçan.

Është viti 1969-të 

ende pa hyrë në klasë të parë,

“Traktat në Varshavë, 

çjerrje maskash në Tiranë”,

e ku i kuptoja vallë?!

Ndjej veshin të skuqet

një zë i qetë më vjen fill nga larg

ndjej babanë. 

Më flet me fjalë të athta:

“Asnjë prej tyre nuk mbeti gjallë, 

edhe dominotë humbën tek balta!”

Lexoj fëmijërinë në Poliçan 

herë tek fotografia, herë tek fjala

mendja arratiset, goja s’bëzan...

... kjo ishte e ardhmja...



40 views

Shkrimet e fundit