Fatmir Terziu: PEJË - QEPE SHQIPONJËN ME T'ZEMRËS PENJË
- May 1, 2025
- 1 min read
PEJË - QEPE SHQIPONJËN ME TË TUAT PENJË
Nga Fatmir Terziu
Mbi shtrat të Lumëbardhit ulen Perëndeshat,
kullat e Dukagjinit,
puthin duart e nënës,
çarshija e vjetër, mulliri i Haxhi Zekës
ndrijnë nur si drita e hënës
tek muzeu i Pejës.
Tek blirat e ëmbla natyra fshin djersët,
gushëkuqët me radhë ia përcjellin këngës,
timbri shpërndahet tutje mureve më dysh
ku toka papritur mbahet nën frymë
sikur zbresin e bëhen palë dhe retë
pas rrethimit tinzar që para syve të mbin
enigma shfaqet e malli brenda Manastirit të tret.
Një ëngjëll përkulet Grykës së Rugovës,
qesh e vallëzon i lirë shtathedhur kah bredhit
përtej rrjedhës së pastër struk plagët e gjëmës
lëngata që ballin rrjedhës ia zverdhi.
Në greminë oshëtin një faqore e zbrazur
mbi trup mban një gradacion cirilik
festë e mbyllur brenda Patrikanës së Pejës
vallë për tu habitur nga kush ka frikë?
Është gati kërcurja të kalbet nën dhe,
veç ti të mbetesh siç ke qenë Yllneshë,
disa të quajtën pesë shekuj Ypek,
të tjerë të vunë emra të tjerë yrnekë.
Por vetëm në shpirtin tënd mund të gjesh
sa peshon emri yt shqiptar, Pejë...
se kot këtë emër nuk e ke peshqesh
mbi Flamur qepe shqiponjën me t'zemrës „penjë“.
(Pejë, 2013-2025).
Minush Hoxha
Duket qartë se Peja me bukurinë që ka dhe historinë, inspiruan autorin deri tek shtytja të bëjë një poezi të bukur. Poezi plotë me figura e metafora por edhe me një rrëfim për historinë. Dhe, shih e habitu! Një elbasanas e londinez percepton deri në një lartësi poetike për lavd, bukurinë e historinë e një qyteti, kurse ata që duhet ta hymnizojnë-duket nga dioptri e çallatuar-nuk regjistrojnë këte. Dhe, jo vetem kjo! Autori-z. Terziu, vite më parë ka shkruar e botuar një roman të titulluar ,,Blirët e Pejes" mu në frymë të kësaj poezie. Dhe ka mahnitur lexuesit me përshkrimin e kohes të para thuaja 100 vitesh. Sikur të ndodhte sot e autori ta jetoj. Autorit urime për…