ERË VJESHTE


ERË VJESHTE

-Ç’ke kështu moj er’ e vjeshtës?

Nga ke dalë, pse je nxehur?

-Që pa gdhirë, shëtis vreshtës,

Dashuria më mban dehur.

Tundesh shkundesh, ledhatohesh,

Përmbi valë, si frymë jete.

Po të pres kur ti të zgjohesh

Dhe puthjet t’i kem për vete.

Gjeth i zverdhur dimrin ndjell,

Ftohtë, shi, rënkon mërzia.

Vjeshta vitet i përcjell,

Ngroht’ i mban veç dashuria.

Kadri Tarelli

Durrës. Vjeshta e parë. 2020.

VEGIM!

Mbi pasqyrë të burimit,

Si vegim u shfaqe ti…!

Vura buzët që të puth,

një dashuri!

Ti më humbe nëpër ujë,

Si magji!

Etur mbeti buza lagur,

Sa çudi!

Pse më ike kaq pa pritur?

Nuk e di!

Ti do vish përsëri!

Këtë e di.

Kadri Tarelli

Gusht 2020.

7 views

Shkrimet e fundit