Dy fjalë për poetin Fatmir Terziu


Prof Dr Eshref Ymeri


Poeti i talentuar Fatmir Terziu, zë një vend të nderuar në “galaktikën” e letërsisë mbarëkombëtare. Ai i përket sërës së atyre krijuesve që rrezatojnë një ngrohtësi shpirtërore të veçantë, çka bie në sy edhe në vëllimin e fundit poetik “Dashuria e Jugut”, të cilin Timo Mërkuri e ka analizuar bukur mirë në Portalin “Fjala e Lirë” të ditës së djeshme.

Kushdo që komunikon me këtë mjeshtër të fjalës artistike, përjeton një rehati absolute dhe një qetësi shpirtërore si të dhuruar nga Hyjnia, i duket sikur koha e ka ndalur ecjen dhe çdo gjë rreth e rrotull shpirtin ta këndell, pavarësisht nga tekat e motit apo vendi i komunikimit.

Poezia e tij të magjeps, sepse vetë Fatmiri ka aftësinë e jashtëzakonshme për të të dhuruar mirësi me atë buzëqeshjen e tij të çiltër dhe aftësinë për të të dëgjuar me zemërbardhësi. Prandaj poezia e tij ka forcën tërheqëse të magjisë se përcjell ngrohtësinë e shpirtit të tij. Është fat i madh për botën letrare mbarëkombëtare që ka një krijues me një rrezatim kaq vezullues në disa gjini, në të cilat ai ka shkëlqyer dhe vazhdon të shkëlqejë si poet, prozator, kritik, eseist etj.

Eshref Ymeri

Santa Barbara, Kaliforni

15 prill 2021

40 views2 comments

Shkrimet e fundit

fjalaelireloadinggif.gif