top of page

DASHURI PLEQËRORE


DASHURI PLEQËRORE

Tani në pleqëri, nën të viteve gunë

Zemra e plakut më shumë trishton.

Ashtu si në shkretëtirë një lumë,

Thellë tokës mblidhet e gjallon.

Në qiellin e shikimit grinatë

Feks thekshëm dielli i shpirtit,

Me më të bukurën imagjinatë

Si sekuencat e fundit të filmit.

Ndoshta në rrema gjaku ngrin

Por zemra rreh e papërtuar;

Dashuri fal ngado pa përtim,

Ndonëse e plakur dhe e trishtuar.


KËRKO BRENDA TEJE

Asgjë nuk lind nga asgjëja,

Brenda qenies tënde

Gjërat rrjedhin

Me gurgullimën e Syrit të Kaltërt;

Rrëmbejnë fatin e jetës

Pa pyetje, pa përgjigje.

Ndiqe jetën tënde me sytë e mendjes

Në kërkim të horizontëve të të reja;

Fshehur,

Nevoja kushtrimon në rrjedhë

Si lumi në shtrat të gjëra,

Më thellë,

Ku jeta rrymon pa ndërprerë.

17/01/2018


     NË DACAJ

Në borigat, nën Tregovishtë

Si kokrra qershijash

Vjel yjet në Nëntorë.

Drapëri i hënës tundet si kolovajzë,

Me thirrjen Majë Krahi

Kushtrimit malësorë.

Me oshëtimë thërras,

Zgjoj Zanat,

Të parët e fisit Arbënor

Nga gjumi shekullorë.

Rozhajë Nëntor 2018

9 views0 comments

Shkrimet e fundit

fjalaelireloadinggif.gif
bottom of page