Chelsea i pandalshëm me Tuchel, kalon me modesti edhe Newcastle
Stabilitet dhe siguri, duket se Chelsea ka rigjetur veten me teknikun gjerman Tuchel dhe po bën kthesën në Premier League.
Në 6 ndeshje, londinezët kanë fituar 5 prej tyre teksa së fundmi kaluan edhe Newcastle. Pozitivja në kampin blu është se dy golat e sfidës në ‘Stamford Bridge’ u realizuan nga sulmuesit kryesorë të ekipit, Giroud dhe Werner.
Nga ana tjetër me fitoren e fundit Chelsea kap vendin e 4-t, me 11 pikë më pak se kryesuesit e Manchester City dhe 4 më pak se vendi i dytë dhe i tretë, Manchester United dhe Leicester.
Ndërkohë me gjermanin Tuchel, Chelsea ka një bilanc shumë pozitiv me 8 gola të shënuar dhe vetëm 1 të pësuar, edhe ky i fundit ishte autogol i bluve.
Comments