Brenda dhe jashtë vetes
Fatmir Terziu
Blu, brenda kësaj është Njeriu
pra, fisnik,
reflekton rrugën e mbretërve,
në hapësirë, sy, ujësi.
Blu,
me elegancë,
duke lulëzuar nga brenda luleve,
bartur nëpër ajër, në krahët e butë të fluturave,
dhe detet e stuhishme,
pa dyshim që e pasqyrojnë atë me një pasion të fuqishëm,
sot, si një ditë më parë, edhe unë jam ndjerë blu,
ndërsa shpirti im rritet,
unë ende e shoh veten të paaftë për t'u përballur me demonët e mi.
Kur do të vijë më në fund kjo ditë e fatit?
ndërsa dielli çan retë,
psherëtimë,
psherëtij,
ps…herëtij
brenda një zone ku vetvetiu vij, shkoj dhe vij
brenda kësaj është Njeriu
plotërinë
duke hyrë thellë në një parajsë kënaqësisht të ndyrë
brenda kësaj është Njeriu
plotësinë… e shtrydh deri në yndyrë
duke harruar ku ka hyrë.
Të di se do të jetë një ditë si çdo ditë,
tani për tani, vetëm më lini të pushoj sytë.
Ledri Kurti - Kraja
Shume e bukur! Njeriu dhe mendimi! POEZI DHE STIL! Komplimente!
Hiqmet Mehmetaj
Shumë bukur ! Vargje blu ! Sa me kuptim !...
Muça Vladimir
Një këndvështrim tepër i veçantë i vlerave që mbart filozofia e jetës si dhe vlerave që përçon tek lexuesi arti poetik
Rrallë na vjen rasti të lexojmë të tillë poezi. E tëra e përkryer. Pa shih, pa shih ç'vargje "… unë ende e shoh veten të paaftë për t'u përballur me demonët e mi. /… duke hyrë thellë në një parajsë kënaqësisht të ndyrë… "
Qoftë e bekuar pena Juaj! Me shumë respekt, Kazma Gjergji.
P.s. Ju falenderoj për ornamentet grafike e gjetjen e titullit për esenë time të paradokohe.
Fatmir Terziu:
Në fakt kur autorit i vjen në krah dhe në sy ajo që ai ka ndjerë të pëshpërisë me vetëdijen, e më pas ta bëjë pjesë dhe për lexuesin e tij, pikërisht ajo që rrjedh nga dija, njohuria, dashuria për leximin dhe respekti për rrëfimin poetik, nuk mund të mbetesh thjesht tek falenderimi. Nuk është hera e parë që Odise Çaçi krijon një lidhje të tillë respektuese, pasi tek kjo lidhje është më shumë se respekt komenti, dhe ajo që ai në mënyrën më fine shkon tek thellësia e mendimit të zhbirrojë dhe të analizojë konkretisht atë nga këndvështrimi tij profesional.
Kjo vjen si një këmbankë, një zilkë që të zgjon …, se pastaj zilja e madhe bën…