Brenda ëndrrës
Nga Fatmir Terziu
Syri i ndjek,
dora i shfleton deri në përkuljen tjetër,
konfigurimet,
ngjyrat
flasin
gjuhën e llampës,
modelin që pasojnë fytyrat,
kjo revistë,
shtrydh lëng në gjinjtë bosh,
mendja me laps të mprehur e pastaj me një gomë,
i hedh të gjitha në një kosh,
këto janë enigma që skicohen në një dhomë,
mbledhur nga një botë
që kërkon ta imagjinosh,
që ti kurë nuk mund ta takosh.
Syri i ndjek dhe flet
me një botë që s'të përket.
