Bekuar me dashuri


Mëhill Velaj

Erdha moj të të sjell trëndafila,

vetëm ti të mos ndjesh zbrazëti,

të të heq zymtësinë e shpirtit,

të të shtoj rrahjet e zemrës,

të të dhuroj aromë livadhesh.


I kam mbledhur në bahçen e shpirtit,

të shtrydh mbi plagë lëngun balsam,

E të mbulohemi veçse me puthje

ditën që ka emrin tonë,

sa herë që shkurti vjen me borë.


Hajde moj më afër se kam të ftohtë,

më shkrij zemrën e akullt,

në këtë fole të lashtë djepash,

e Valentini të këndojë ëmbël:

Ninanana, ninanana, dashuri!


Lutu për të dashuruarit,

moj robine e zemres sime,

ndiz nga një qiri për secilin, qe

të na grishë dashurine e shpirtit,

të shenjtërohemi; bekuar me dashuri.


Të harrojmë se ku jemi,

të mëkatojmë duke këputur

trëndafilat në kopshtin e Edenit,

e të mërmërisim fjalët: Më do a s'më do!

Dy zemrat e lumtura me ngjyrat e kundrimit.



Dashurinë tënde kërkoj,

të udhëtoj në bardhësinë e mirësisë,

të shpirtrave tane,

ngadalë, ngadalë t’i falemi ditës së shenjtë,

si Shën Edeni - Shën Dashurisë.

Mehill Velaj

Stamford CT USA

Shkurt 2010

18 views0 comments

Shkrimet e fundit