Albert HABAZAJ
O lajm i hidhur, që më lëndove vargun,
Me lot në sy trishtohet dhe dreri,
Miku im poet humbi motrën e dashur,
E humbi motrën Baki Ymeri.
Ç’pate moj e mira natyrë?!
Gjith’ ai vigan vargu të shkrehet së qari...
Nuk ia shoh dot pikëllimin në fytyrë,
Dhe poeti më i fortë është fije bari.
Në dhembjen e gjakut bëhet i tëri,
Pikë loti me dritë mallëngjimi,
Sa ngrohtë nga shpirti i motrës i vjen zëri,
Lotët e poetit janë bekim trimi.
Vlorë, Albania, 18.02.2020, 00:41’
Comments