Arjana Fetahu Gaba: Unazë e florinjtë

Unazë e florinjtë

Sa netë në gjumë s'kam rënë

jo se s'kam dashur, por s'më ke lënë

hajmali të t'kisha vënë

sa herë e kishim një zënkë.

Në ishte ftohtë a në ishte shi

në kishte prush, a në kishte hi

a në të të mbaja mëri

gjenim shkas për dashuri.

Me unazën e florinjë

në kala vumë kufijtë

mblodhëm gjithë dashuritë

dhe të bukurat çmenduri.

Shpesh harroje dhe se vije

dorën mbrapa se ç'e fshihje

s'kisha frikë se do më "lije"

por në gisht të kish marrë hije.

Por dhe unë kurrë s'tu ankova

siç m'i thoje i dëgjoja

pak rëndësi në të besoja

që nga sytë të lexoja.

S'ka qënë gjithmonë shend e verë

kur ra borë e lamë të bjerë

asnjëherë s'e kemi prerë

në çdo puthje e kemi ndjerë.