ADELË GJOKA


Jusuf Zenunaj

ADELË GJOKA

Mbrêmë u shua një lule,

u përgjak toka

me shpresat e këputura

iku Adelë Gjoka !

Për punën e ëndrruar

s'i ndihmoi diploma,

borxhet s'i shlyenin dot

i ati as e ama !

17 nëntor 2019

LUM KOSOVA, LUM SHQIPËRIA

Trupgjati mendje plot,

për atdhe s'mendon dot !?

Dredhi bën natën e ditën

t'mos ia lëshojë askujt karrigen.

Drogë , varfëri edhe mjerim,

jug- veri, lindje- perëndim

zhytur kanë gjithë Shqipërinë !

Ofshajnë pleqtë, mallkojnë rinia

fshat, qytet udhëheq mafia.

Trupgjati mendje plot

me një këmbë mësyen në Evropë,

tjetrën kthyer nga Serbia,

lum Kosova, lum Shqipëria !

J.Z. , Dilbeek , më 17 nëntor 2019

"MATANË" KUFIRIT

Kujtimet e fëmijërisë për atë tokë "matanë" kufirit

ruhen në mendje si prushi mbuluar me hi bliri

dhImbja , as malli s'pushojnë për ato faqemali

luginat me shkëmbinjë parasysh më dalin

bashkë me lodrat që luanim në vërri

dhe ogiçat me kêmborë tufave tuj u pri.

Varret nën lisa si libri në dorëshkrim

të rrafshuar presin kohë që do të vijë,

t'i gjykojnë dy gishtërinjët e 81 kuvendarëve

që lanë jashtë kufirit gjak e tokë të të parëve..

J.Z. , 16 nëtor 2019

TRUPIN NË ATDHE

Trupin në atdhe,

mendjen në Beograd,

me Shengen - Serbi,

Rama turr e vrap !

Fjalët bombastike

si ai kush s'i ka

për atdhetarizëm

flet pa ia nda.

Duart si shqiponja

të lidhura me Ramushin

kanë ngelur në kujtesë

si kur laget prushi.

Nênat kosovare

s'të urojnë rrugë të mbarë

nesër, as sot,

pa pasaportë

në Beograd të shkosh

J.Z. ,Bruksel, 10 nëntor 2019

MINI SHPËTIMTAR

Pakush e quan mi,

të shumtë i thonë maus,

ai shpëton nga lodhja

jo pak "studiues" !

Me minin shpëtimtar

shëtisin n'internet

për disa orë

arrijnë sa dikush

që i duhen shumë vjet.

Fusha e gjuetisë

librat e Wikipedia,

sikur valëlumi

u shtohet krijimtaria.

Pa hequr pikë as presje

veç me "copy paste"

botojnë në gazeta

në nga pesë a gjashtë.

Nami u shtohet

fal minit- mausit

dija kështu nxirret

dhe nga fundi i pusit.

J.Z., 7 nëntor 2019


#jusuf #zenunaj

13 views

Shkrimet e fundit