A do të mësojmë nga pësimet e valës së parë Covid?





Tani kanë kaluar gati 11 muaj që kur dëgjuam për herë të parë për një koronavirus të ri dhe vdekjeprurës në Kinë. Ishte koha kur rilexuam Ezopin. Dashje pa dashje Ezpi më duket se kishte folur qartë me fabulat e tij. Unë në një shkrim të atyre ditëve e përmenda, por në ato ditë sigurisht nuk ishte më aty vëmendja. Ndikimi i këtij virusi duket krejt natyrshëm tashmë se ka qenë i madh.

Artikulli im i atyre ditëve përdori në mënyrë të dobishme fabulën e Ezopit për ‘djalin që qau ujku’ për të ilustruar problemin. Ekzistonte një listë e gjatë e shembujve ku isha siguruar që një sëmundje e re do të bënte kërdi vetëm që pretendime të tilla të tejkaloheshin sikurse janë: 'forma njerëzore e sëmundjes së lopës së çmendur' (varianti-CJD), SARS, gripi i shpendëve dhe gripi i derrit, sigurisht janë më të dukshmet, pa shkuar tek disa forma të tjera gripore sikurse dihen dhe qasen nga forma e quajtur gripi spanjoll. Por në fund të fabulës së Ezopit, theksova se ekziston një ujk i vërtetë - në këtë rast, është Covid-19. Dhe kështu udha e errët mes dhimbjes dhe torturës virale kaloi në jo pak raste në humbje të ndjeshme prindërore, të afërmish, të shtrenjtish … e më gjerë miqsh e kolegësh të papërsëritshëm. Mësuam dhe u bindëm. Mësuam nga izolimi, bllokimi, kufizimet…

Dhe duke pasur parasysh atë që kemi mësuar që atëherë, çfarë duhet të bëjmë tani për të luftuar pandeminë? Unë mendoj se tre fjalët tona duhet të jenë përulësia, skepticizmi dhe liria.

Nëse duam të gjejmë mënyrën më të mirë për të ecur përpara, është e rëndësishme të fillojmë duke mësuar mësime nga ajo që ka ndodhur tashmë. Në veçanti, ne duhet të pranojmë atë që kemi gabuar. Ne duhet t'i përdorim ato mësime për të na inkurajuar që të jemi me mendje të hapur dhe skeptikë për çdo hipotezë dhe pretendim që dëgjojmë, pavarësisht nëse vijnë nga qeveritë, autoritetet shëndetësore, mbështetësit e bllokimit ose skeptikët e bllokimit. Dhe ne duhet të largohemi nga një mani me këtë sëmundje dhe të shohim pamjen më të gjerë të asaj që po ndodh.

24 views

Shkrimet e fundit