Jetë
Fatmir Terziu
Në cilën gjuhë? Në cilën shenjë?
Gjunjët u ulën të mos ngrihen,
Gjunjët u ulën të ngrihen,
Në cilën gjuhë? Në cilën shenjë?
u lodhën sytë të kuptonin të pagjuhtën,
të pashenjtën,
të shtrenjtën
në errësirën gjithnjë kaq konsumuese,
heshtja si mollnja pret malet,
zjarri djeg, ashtu si zjarri,
në shkrirje,
furrë,
të gjithë ishin ëndërrimtarë
të gjithë kanë ëndrra,
të gjithë flasin në një gjuhë.
Të gjithë kanë një shenjë.
Njihet nga batica e lashtë,
kuptohen dhe kuptohet edhe pa fjalë,
vetëm kaq. Mjaft thjesht,
është jetë, është respekt
je i gjallë.
Commentaires